خداوند لا یزال

بسم الله و اسم خدای لا یزال

فرشته له اخش شقی دید و بال

خالق هستی دنیا بی همتا

ساکت و آرام بی دنگ بی صدا

خدای بی شریک بینای بان سر

خالق مخلوق کاوه درس کر

نقاش ماهر له بحر و له بر

شکرانم پید بو خدای بان سر

چنی صبرده نیتیدن او دنگ

سر لا یزال ی دین و ی رنگ

چنی صبوری ته گذیشت کیدن

کس چو زانیدن کار خود کیدن

هر کس بزانی له دنیا بیدن

خدایا شکرد ته چوه نیکیدن

سرد ها له عرش پاد ها له کوره

توام بزانم رنگد چه جوره

هایده لام نیوینم دو عینم کوره

مات و حیرانم مگر یه زوره

شکر و پید یکتای یگانه

صاحب شو و روژ،دوره و زمانه

سرم سر مینید مه له کاراند

پریوکه وفر ترنگه واراند

خدای بی شریک کس سر نزاند

قسم و راز و رمز هفت آسماند

قسم و زمین ریو چرخ کوود

شو و روژ نیری،نیویدو خوود

قسم و دریای بی حد و مرزد

سوگند و مدد،قسم و جزرد

قسم و قشنگی مار خال دارد

نقاش ماهر،قسم و دارد

منم مه حیران مار شاخ دارد

قسم و دریا،ماهی بال دارد

شکر و عظمت ستارگاند

خور و مانگ نایده له هر دو شاند

یه دف خشکنی یه دف زنده کید

شکر و کاری خداوند خوود کید

یه کار خویه و برزی بانو

همیشه هیوره ها بندگانو